الأحد، نوفمبر 27، 2011

أَيْ .. مش تفتح .. دست على قلبي


أَيْ .. كلمة صغيرة أوي .. مكونة من حرفين .. حرفين بس معناها ممكن يكون صغير زيها و ممكن يكون كبيررررررر ..

يعني مثلاً ممكن تدوس على رجلي و اقول " أَيْ " و ممكن تدوس على قلبي و أقول " أَيْ " .. هي نفس الكلمة بس شتان بين المعنيين ..

" أَيْ " الأولانية معناها مش تفتح دوست على رجلي .. و عادي الحياة بتستمر ..

" أَيْ " التانية معناها مش تفتح دوست على قلبي .. خد بالك بتألم خليك جنبي .. بحبك بس بخبي .. محتاجه حضنك من كل قلبي ..

" أَيْ " طول الوقت بنقولها حتى لو مش بنسمعها .. قبل كل حب في دبوس بيشك قلبك فبتقول " أَيْ "

قبل كل لحظة فراق بينك و بين حبيبك .. في سكينة فاكهة صغيرة بتجرح قلبك فبتقول " أَيْ " .. مع الوداع في خنجر بيطعن قلبك فبتقول " أَيْ " ..

" أَيْ " بتقولها ازاي بقا .. وجعتك أد إيه .. في حد سمعها ولا لأ .. كل ده مش مهم المهم إنك قولت " أَيْ "

" أَيْ " :(


تحياتي/ رانيا حمدي

28/11/2011

4:09 صباحاً

هناك تعليقان (2):

  1. أى لو ليها معنى ........مكنتش دماغنا توجعنا
    أى حلوتها فمثاليتها ...تقولى أذاى اقولك من صغر كلمتها وكبر تاثيرها
    من وجودها الطاغى فاى حديث ....... جرب كده تقولها فالبيت ..فالشارع
    مع الصديق والغريب...........مع الاهل والحبيب
    رغم صغرها بس اكيد غيرتلك حالك
    أى مبتفكركش بأمك .... بالحضن الى بيضمك
    أى مبتفكركش بالحبيب الى عمره ماكان حبيب
    أى مبتفكركش بايام زمان واللمه والجيران ... لما كان الكل بيتلم لمه ونلعب فالحوش ونستغمه
    منى مراد
    masrymmasry@yahoo.com

    ردحذف
  2. أي الأولانية ... تعني .. أنا أتألم... ولكن الآخيرة.. معناها.. انا أموت.. انت تقتلني... فهي ـ من وجهة نظري ـ أي ذنب جنى قلبي لتدوس عليه..
    أن تدوس على قدم أحدهم .. قد تعتذر له وينتهي الأمر .. ولكن عندما تدوس قلبه فقد دوست على انسانيته.. وكرامته... لقد قتلته.. فلا الإعتذاريجدي..ان الكلام ليصعب في القول عن قلب داسه احدهم...
    kareemoctopus@hotmail.com

    ردحذف