الجمعة، أغسطس 26، 2011

كلمتين .. أهلك خانوكي





كلمتين لو هقولهم هيوجعوكي ..

يا بلدي .. أهلك خانوكي

اللي المفروض يبنوكي .. بالجهل و الهمجية بيهدموكي

اللي ثاروا عالنظام .. و في الثورة رفعوا العلم .. هم هم برده فيهم اللي بالظلم افتتن

راحت فلول .. و جت فلول .. في الشكل دول مش زي دول .. فجأة الخداع بقا ممتهن

مليون قناع .. مليون طريقة ..

من بره ثوري .. من جوه نوري تشوفه تقول ده محترم ..

بيقول كلام موزون و عال .. شايل على كتفه العلم ..

يا فلول و سارح بالعيال و هو جواه اللمم ..

في البداية قولنا ثورة .. هب الشهيد يحمي الوطن

و في النهاية خلق عرة .. بيقبضوا هم التمن

الثورة قامت تخلع نظام .. قامت عشان الاتزان

منغير زعيم في الأصل عيبها .. بس المهم في النهاية نقدر نقوّم سلبياتها

نغربل الرايات بعقل .. و ننتخب منغير سذاجة .. يا أهلي فوقوا بكفاية جهل

كل شيخ و له طريقه .. تعالي قوللي يا شيخ طريقتك

الانتخاب خطوة شديدة .. مش بس لا ولا حتى نعم .. لو حاجتي رايتك .. يبقى أكيد هزكي اسمك

يا خلق فوقوا .. الأهم حاجة الوطن

بأدينا نبني .. لجل نكون خير الأمم

و مش هكتر .. بكفاية افكر .. الثورة قامت لجل الشريف و المحترم

الثورة قامت لجل القانون يسير على كل أبناء الوطن

ابن الوزير زي الفقير .. للعدل فيها يحتكم

الثورة قامت و أنتوا الحكم .. يا نبقى مرة .. يا نموت و نسكت و نندفن

..............

تحياتي

رانيا حمدي

26/8/2011 – 2:25 صباحاً

ليست هناك تعليقات:

إرسال تعليق